Konjïgézon pou sat i voudré 2-3 baz

 

Térla 2-3 linformasion (rienk 2-3) pou sat i voudré 2-3 baz sï la lang kréol La Rénion. Pou sat i vë alé plïs loin nou konsèy azot lir inn gramèr oubien in liv konjïgézon sï le kréol rénioné.

Nou lé pa bann spésialist an konjïgézon ou an gramèr. Alors pou ékrir paj la, nou la inspir anou prinsipalman le travay bann shèrshër an gramèr é an konjïgèzon é anparmi prinsipalman:

RAMASSAMY, Ginette, Syntaxe du créole réunionnais, analyse de corpus d'unilingues créolophones, Thèse de doctorat, Université Paris V, 1985.

Grammaire comparée de Ginette Ramassamy et Patrick Bègue sur la page information LVR premier degré sur le site académique

STAUDACHER-VALLIAMEE, Gillette, Grammaire du créole réunionnais, Paris:Sedes, Université de La Réunion, 2004.

 

Conjugaison du créole réunionnais.pdf

Bien antandï, tout bann zérër noré dann paj la, anou minm lotër.

Siouplé, done la min: si néna in spésialist la lang kréol i lir paj la, é si lï oi nou la fé in lérër, siouplé, di anou.

Remark: nou la ansèrv bann mo i ansèrv an fransé pou inn leson konjïgézon (ex: pronom, prézan, fïtïr, indis prévérbal, ...). Nou la pa voulï invant in métalangaj pou la gramèr le kréol.

_______________________________________________________________________________________________________________________________________________________

An kréol rénioné an jénéral néna in lindis (inn ti mo) devan le vérb. I apèl sa in lindis prévérbal (akoz lï lé devan le vèrb). Par exanp, pou le prézan, lindis "i" i anons in vérb daksion (ex: banna i manj, marmay i koz).

________________________________________________________________________________________________________________________________________________________________________________________

List bann pronom:

Remark: nou la mèt an karaktèr gra bann pronom for.

 

  Bann pronom pérsonèl sïjé Bann pronom pérsonèl konpléman Bann pronom posésif
1é pérsone singïlié

Moin

M'

 Amoin

Lémiène/lamiène

Sat-moin/sèt-moin
2ème pérsone singïlié

Ou, vou, toué

V', t'

 Aou, avou, atoué

Létiène/latiène

Lévot/Lavot

Sat-ou/sèt-ou
3ème pérsone singïlié Li, lu, èl Ali, alu, aèl

Lésiène/lasiène

Sat-li/sèt-li/sat-lu/sèt-lu/sat-èl/sèt-èl

 

 
1é pérsone plurièl

Nou

N'

 Anou Lénot/lanot

Sat-nou/sèt-nou

 
2ème pérsone plurièl Zot Azot

Sat-zot/sèt-zot

 

 
3ème pérsone plurièl Banna, zot Azot, banna

Sat-zot/sèt-zot

 

 
Remark:

"m', v', t', n' " i tonb bann pronom pérsonèl

i ansèrv sanm lindis prévérbal "i". Mi (kontraksion

de "moin i" i done "m'i"), vi (kontraksion de "vou i"

i done "v'i"), ti (kontraksion de "toué i" i done "t'i"),

ni (kontraksion de "nou i" i done "n'i") sé bann pronom

pérsonèl kontrakté sanm lindis prévérbal "i". Kinm si

nou ékrir "mi, vi, ti, ni" (sétadir si nou kol ansanb le

pronom pérsonèl é lindis prévérbal) i fo konèt bann

mo la sé bann kontraksion 2 mo na poin la minm valër

gramatikal (inn lé pronom pérsonèl sïjé, lot lé indis

prévérbal).

 

Bann pronom pérsonèl konpléman

i ékrir an rienk in mo:

Exanp:

Mi done Tikok in bonbon : mi done alï

Alï i ranplas Tikok

Alors kan i ékrir an 2 mo bann pronom pérsonèl

konpléman (konm "a ou", "a èl", "a nou", "a zot")

i réspèkt pa la gramèr la lang kréol La Rénion.

  

 

 

_______________________________________________________________________________________________________________________________________________________

Vèrb lé:

  Prézan Pasé Fïtïr Kondisionèl
Moin Lé Té, lété Sar, sra, sora Sré
Ou, toué, vou " " " "
Li, lu, èl " " " "
Nou " " " "
Zot " " " "
Banna, zot " " " "

________________________________________________________________________________________________________________________________________________________

Vèrb néna/nana/na:

  Prézan Pasé Fïtïr Kondisionèl
Moin Néna/nana/na Lavé/navé Nora Noré
Ou, toué, vou " " " "
Li, lu, èl " " " "
Nou " " " "
Zot " " " "
Banna, zot " " " "

________________________________________________________________________________________________________________________________________________________

Le prézan

  Prézan Exanp

Moin

m'

 i + vèrb

Moin i kour

Mi kour

Ou, toué, vou

T', v'

 "

ou (i) dor

Toué, vou i dor

Ti, vi dor
Li, lu, èl "

Li, lu (i) dans

El i dans

Nou

N'

 "

Nou (i) travay

Ni travay
Zot "

Zot i bingn
Banna, zot " Banna, zot i amïz

______________________________________________________________________________________________________________________________________________________

Le prézan progrésif:

  Prézan progrésif 1 Prézan progrésif 2
Moin Lapou, lapo, lapré, apo, pou, po, pré  + vérb Lé antrinn + vèrb
Ou, toué, vou " "
Li, lu, èl " "
Nou " "
Zot " "
Banna, zot " "

_________________________________________________________________________________________________________________________________

Le pasé (lékivalan "l'imparfait" an fransé)

 

  Forme baziléktal (le plïs loin le fransé)  
    Exanp èk le vèrb shant
Moin  té (i) + vérb moin té (i) shant
Ou, vou, toué " ou, vou, toué té (i) shant
Li, lu, èl " Li, lu, èl té (i) shant
nou " nou té (i) shant
Zot " Zot té (i) shant
Banna, zot " Banna, zot té (i) shant

 

  Forme akroléktal (le plïs pré le fransé)    
    Remark Exanp èk le vèrb shant
M' i + vérb forme long   Mi shanté
Ou, v', t' "  

Ou (i) shanté

Vi, ti shanté
Li, lu, èl "  

Li, lu (i) shanté

El i shanté
nou, n' "  

Nou (i) shanté

Ni shanté
Zot "    Zot i shanté
Banna, zot "   Banna, zot i shanté

_______________________________________________________________________________________________________________________________________________________

Le pasé (lékivalan "le passé composé" an fransé)

 

    Exanp
Moin la + vérb (forme long si na poin konpléman par dérièr, forme kourt si néna konpléman par dérièr)

Moin la shanté

Moin la shant inn romans
Ou, vou, toué "

Ou la shanté

Ou la shant in maloya
Li, lu, èl "

Li la shanté

Li la shant in séga
Nou "

Nou la shanté

Nou la shant in gayar maloya
Zot "

Zot la shanté

Zot la shant in gayar séga
Banna, zot "

Banna la shanté

Banna la shant in séga

_______________________________________________________________________________________________________________________________________________________

Le futur, futur non akonpli

    Exanp forme kontrakté
Moin va + Vèrb Moin va dormir Ma (Moin va) dormir
Ou, toué " Ou va travay Ta (toué va)travay

Li, lu,èl

 "

Li/lu/èl va pinn

  
Nou " Nou va manjé Na (nou va) manjé
Zot " Zot va kourir  
Banna, zot " Banna/zot va lir  

______________________________________________________________________________________________________________________________________________________

Le futur "immédiat", futur prospéktif

    Exanp
M'

i sa/sar/sava + vérb

Mi sa/sar/sava aprann lékol
Ou, v', t'

(i) sa/sar/sava + vérb

Ou sa/sar/sava travay

Ti sa/sar/sava travay

Vi sa/sar/sava travay
Li, lu, èl

(i) sa/sar/sava + vèrb

Li sa/sar/sava dormir

lu sa/sar/sava dormir

El i sa/sar/sava dormir
Nou, n'

(i) sa/sar/sava + vèrb

Ni sa/sar/sava gard télé

Nou sa/sar/sava gard télé
Zot

 i sa/sar/sava + vèrb

 Zot i sa/sar/sava nétoyé
Banna, zot

i sa/sar/sava + vèrb

Banna i sa/sar/sava voté

Zot i sa/sar/sava voté

______________________________________________________________________________________________________________________________________________________

Le kondisionèl non akonpli

    Exanp
M' i + vèrb + ré mi travayré
Ou, v', t' "

ou (i) dormiré

vi, ti dormiré
Li, lu, èl "

l'i manjré

lu (i) manjré

èl i manjré
Nou, n' "

nou (i) manjré

ni manjré
Zot " zot i manjré
Banna, zot " banna, zot i manjré

_____________________________________________________________________________________________________________________________________________________

Le kondisionèl akonpli

    Exanp
Moin noré/loré + vèrb Moin noré/loré travay
Ou " Ou noré/loré dormi
Li, lu, èl " Li/lu/èl noré/loré manjé
Nou " Nou noré/loré téléfoné
Zot " Zot noré/loré fé kui manjé
Banna, zot " Banna/zot noré/loré aranj loto

____________________________________________________________________________________________________________________________________________________

Le kondisionèl términatif

    Exanp
Moin noré/loré té fine + vèrb Moin noré/loré té fine ariv la kaz
Ou, vou " Ou/vou noré/loré té fine fé kui manjé
Li, lu, èl " Li/lu/èl noré/loré té fine shanj marmay
Nou " Nou noré/loré té fine bingn anou
Zot " Zot noré/loré té fine téléfoné
Banna, zot " Banna/zot noré/loré té fine tras an dsandan

__________________________________________________________________________________________________________________________________________________

Le kondisionèl progrésif

    Exanp
Moin noré/loré té pou/po + vérb forme long moin noré té pou travayé
Ou, vou " ou loré té po manjé
Li, lu, èl " èl noré té po dansé
Nou " nou noré té pou shanté
Zot " zot noré té pou dormir
Banna, zot " banna noré té po graté

 

_____________________________________________________________________________________________________________________________________

2-3 règ gramèr (tarde pa i ariv)